Ask Me
السلام عليكم ورحمة الله وبركاته 
أهلاً وسهلا بالجميع .. 
طلعت الجبيل الإربعاء قبل الماضي 21 أبريل . وكان معنا عدد من الزملاء .. عددنا تقريباً 20 واحد , كانت الرحلة ممتعة جداً والجو رائع .. 
طلعت من الدوام يوم الإربعاء الساعة 4 وتوجهت للبيت أخذت أغراضي ومشينا من الرياض الساعة 6 تقريباً , الطريق كان ممتع خصوصاً انه كان في الليل .. أحب السفر في الليل .. إضافة للجو .. كان ممطر بتفاوت الأماكن والأوقات , جانا مطر قوي وشوي غبار .. وصلنا الجبيل الساعة 11 , بسبب المطر والغبار .
توجهنا للسكن ولعبنا كورة شوي ثم تعشينا ونمنا .. اليوم الثاني .. طلعنا الصباح للنادي رياضي في الجبيل الصناعية .. بلياردو وتنس وشغل حلو .. وبعدها رحنا للبحر , وجلسنا فيه ساعتين وكان الجو خيالي , رجعنا للسكن وتغدينا مع فترة راحة ثم توجهنا لمقر الفروسية .. وركبنا الخيول , وفي الليل جلسنا ع البحر .. مع بعض السوالف والنقاشات .. بعد صلاة الجمعة مشينا للرياض ..
من بكره السبت .. توجهت لدبي .. عندي دورة لـ 5 أيّام , وصلت دبي الساعة 10 مساءً توجهت للفندق مباشرة .. سكنت في فندق الكراون بلازا بحكم الدورة في نفس الفندق , كان المدرب اسمه غسّان , لبناني , ممتاز جداً واسلوبه رائع , الدورة كانت عن / Certified Purchasing Professional , April 25–29 , Dubai
طبعاً دبي زرتها قبل وما تغير فيها شيء .. لكن اللي شفته الجديد المره هذه هي الشلالات الراقصه , كان جداً رائعة وخطيره ,, أخذت لها صور كثيرة جداً وراح أعرضها لكم هنا , وكانت في المنطقة ما بين برج دبي وما بين مول دبي في البحرية ,
من مول دبي
صور من مول دبي
وهذه الصورة من فندق أطلنطس .. كل هذه رسومات وشغل يد .. يعني يجلس ع الوحده أكثر من 10 ساعات ع كلام الإيراني , اللي يبيع
البيضاوية الطويلة اللي ورا .. يقول جلس عليها يومين ..
رجعنا ع مول دبي 
وبالصورة الحبيب محمد ( يمين – إماراتي ) جابر ( يسار – قطري )
طبعاً محمد معي بالدورة .. بس جابر جاي مع مبارك اللي تحت صورته ..
مبارك معي بالدورة برضه
نستنتج من الكلام 
انه جابر مو معنا بالدورة لكن جاي سياحة 
انا ومبارك ومحمد بالدورة ..
جابر المرّي من قطر
لو ما يجي من هالدورة إلا اني تعرفت على ناس طيبة .. لاكتفيت
هالصورة واللي تحت إهداء للغالي فارس البصيلي .. بحكم ولعه بالطائرات 
انتهت الصور يا فارس 
.. لكنه محل خطير مره .. في مول دبي .. تصدق لو تروح وتجلس فيه أتوقع ما تطلع إلا بالغصب
هههههه أنت مجنون طائرات .. مثله مثل المحل اللي شفناه باكسفورد 
.. جلست ساعه عنده اللي قبال مطعم صب واي ,
بدينا يا مبارك نشتري 
؟
يشتري لولده الله يحفظه ..
أنا ومحمد جالسين نمشي وراهم ههههههههه 
كل واحد يشتري لعياله واحنا نتفرج .. هههههه مبارك يقول .. أحسن عشان تتعلمون وتعرفون تشترون .. أشوا ان اللي شراه كلها من اختياري أنا ومحمد ههههههههههههه
أحد المحلات اللي شرينا منها ( نسيت أصوره من برا ) 
انتهت مشاريع الشراء
نبدأ الآن بصور الشلالات الراقصة ..
بصراحة الصور ممكن ما تعطيكم تصور كامل عن الجو الخيالي اللي عشناه وقتها
لكن علّها توصلكم لو جزء بسيط منها
انتهت الشلالات وكان وقتها الساعة 10:30 تقريباً فالحمدلله لحقت ع آخر شيء 
وهنا صورة للحبايب يتفرجون ع الشلالات 
انتهت التغطية مع انه لا شيء جديد فيها سوا الشلالات ..
كونوا بخير ,’
طالب الحور
24 تعليق »
شاعرة »
Ghadier Alnaqbi »النوافير وليس الشلالات ..
ويوجد في دبي مول شلال كبير في الداخل ..
تقرير جميل .. يعطيك العافية ,,
.
.
.
[ طبعاً دبي زرتها قبل وما تغير فيها شيء ] >>> من أي ناحية ماتغير فيها شي ؟؟!
سارا / فعلاً هي جميلة .. لكن الأفضل تكون بجمعات كبيرة مثل الأقارب أو الزملاء
وفعلاً التطور فيها واضح ما شاء الله
للأسف ما أمداني أصور فيديوا :/
العفو .. حيّاكم الله
شاعره / الصور اللي فيها سفن هذه للبيع .. موجودة في مول دبي
العفو .. حيّاكم الله
Ghadier Alnaqbi / إيه أنا عدلت العنوان .. كتبت شلالات وعدلتها لـ نوافير مثل ما هي موجودة الحين , شكراً
الشلال الداخلي زرته وكانت المجسمات اللي عليه حلوه
بالنسبة للتغير اللي أقصده في الأماكن اللي زرتها فقط ,
مول دبي ومول الإمارات هي اللي زرتها في رحلتي هذه فقط
وهي اللي ما تغير فيها شيء إلا من ناحية الشلال
ولكن كـ دبي فيها تجديد كبير آخرها افتتاح فندق أرماني مثل ما قال لي زميلي الإماراتي .. بس ما أدري عنه هو صحيح أو لأ لأني ما أشوف ضجة إعلامية عنه ..
حيّاكم الله
ابو الوليد »طالب الحور
تقرير رائع وجميل
يا حبك للتسوق ما شاء الله عليك
خبرة عز الله أنه توفق خويك اللي تقضى لعياله
تحياتي
البحر الأزرق »ههههههههههههههه
قاعد اضحك اتخيل تتمشى في محلات الاطفال هههههههه
النوافير خطييير دبي كل شوي مطلعة لنا ببدعة
موفق
البحر الأزرق / عادي أتمشى بمحلات الأطفال .. ما فيها شيء 
وفعلاً النوافير جداً رائعة ما شاء الله
حيّاك الله
تعثرت خجلا »فعلاً النوافير جداً جمييييلة ، [ لولا الموسيقى الصاخبـة ، والمناظر اللي حولها >.<"
أنا وقفت أتأمل فيها ، شلون سووها !
سبحان الله ..
شكراً لك ..
Isaaq »
ابو زياد الوزاب »
ريمو »اشياء جميلة لكن تفسدها الموسيقى سبق وشاهدت نوافير راقصة في احد الدول بس والله كان ضميري يؤنبني وفقدت الاستمتاع بها
شكرا طالب الحور صور رائعة ورحلة طيبة
حسن النقبي »و الله ياخوي انا كنت طالب منك تزور خورفكان .. بتشوفها جنة على وجه الارض
لكن بحكم ضروفك عذرتك .. و لا مالك عذر 
بس ان شاء الله استانست في زيارتك للامارات .. نورت و الله
المرة الجاية انا برتب لك جدول سياحي كامل في الامارات كلها
تعثرت خجلا / العفو , حيّاكم الله
Isaaq / حيّاك الله
ابو زياد الوزاب / العفو أبو زياد ,, يا هلا
ريمو / حيّاكم الله .. شكراً لكم
حسن النقبي / لا تقهرني كان ودي والله بس الدورة هي العائق :/
المره الجاية بحول الله ح أزورها أكيد
والحمدلله انبسطت كثير
الله يعافيك حبيبي
noura..~ »
حلمـ لمـ يكتملـ »
رآرآ »
علا بطاينة »الاردن بلد حلوة كمان لكن بعد ما شفت النوافير صارت دبي بعيني احلى عالم يا ريت عنا بالاردن نوافير متلها
عمارة »
اهلين اخوي عبد الرحمن
تصوير ك حلوووو وشد انتباهي كثيييير
تصوير المويه والنوافير وقطرات المويه اللي مطشر
يبغالك عدسة ميكرو اذا تعرفها بحوالي 3000 جدا رائعه
تطلع لك التفاصيل وقطرات المويه بتفاصيل حاده بالمره
انت تستخدم وضع ال M …؟
خلاصة "RSS" للتعليقات على هذه التدوينة. رابط التعقيبات "TrackBack"
دبي مافي مثلها
لو انك مصورها مقطع فديو للذكرى ….
والنافوره الراقصه جنوون … دليل التطور بدبي
اذا شفتها فديو استاسع صدري ههه ….
شكراً على التقرير…..