Ask Me
السلام عليكم ورحمة الله وبركاته 
أهلاً وسهلاً بكم جميعاً 
صباحكم مطر عليل وجو جميل .. الخ 
تأخرت في كتابة التدوينة الجديدة لكن ذلك كان لتجميع أفكار ومواقف كتبتها وجمعتها
أخذت بعض الأسئلة من بعض المواقع وأجبت عليها بناءً على تلك الأسئلة
والتدوينة عبارة عن يوميّات موظف .. بما فيها بعض المواقف والتفاصيل وبعض الصور .. وغيرها
- المسمى الوظيفي الحالي:
Contracts & Purchasing Assistant Officer
مساعد مسئول عقود ومشتريات .
يعني مالي علاقة بالأرقام والفواتير والشغلات هذه
- جهة العمل: (توضيح القطاع / النشاط):
موبايلي – الرياض – قطاع خاص – ونشاطها إتصالات
- التعليم : الدرجة الجامعية + اسم الجامعة:
خريج إدارة أعمال ( بكالوريوس ) ,
جامعة الإمام محمد بن سعود
الرياض. - عدد سنوات الخبرة في المنصب الاخير /
طبعاً أنا موظف جديد في الشركة ما كملت سنة ( بالضبط بديت أداوم أول يوم في تاريخ 19/10/2009 )
وبرضه حديث التخرج ..
يعني هذه أول شركة أبدأ فيها الحياة العملية .
وان شاء الله ربي يوفقني بالمستقبل , - ملخص للخبرات الوظيفية التي تسبق الوظيفة الحالية (اذا وجدت)
هناك خبرات وظيفية سابقة قبل التخرج من الجامعة وهي لا تعتبر بتلك الخبرات العالية بعد التخرج عند التقديم .. لأن الشركات تفاضل بالخبرات لما بعد التخرج .
فلقد عملت في شركتنا في عدة مجالات , منها إدارة الموارد البشرية – الإدارة المالية – I T - اجمالي خبرتك العملية
إلى حين كتابة هذه التدوينة أتممت 6 شهور - أهم الدورات / الخبرات الي اكتسبتها وساعدتك في الوصول للبوزشن :
هناك دورات أخذتها وحصلت عليها كان لها فضل كبير ,
- دورة لغة في بريطانيا ( اكسفورد ) لمدة شهرين .
- شهادة ICDL لـ 6 شهور بتقدير ممتاز .
- صناعة الإبداعات الخمس .
- المجال الإعلامي من تقديم وإعداد .
- المشاركة في مؤتمر العلاج بالقرآن بين الدين والطب في أبو ظبي . - تطلعاتك للمستقبل من الناحية العملية :
تطلعاتي عالية بإذن الله ورغباتي محددها وبإذنه أحققها
أطمح لأكون مدير إدارة – بإذن الله-
وبعد سنوات من العمل أطمح للشيء عالي .. وبإذن الله تعالى أحققه . - مواقف واجهتها في مجال عملك /
من بعض المواقف اللي أشوفها بالشركة وما تعجبني طبعاً لكن هي تعتمد ع الشخص نفسه وتعامله مع الناس , أحد الأشخاص ممتاز وتعامله طيب وحبوب ولكنه في العمل سيء جداً .!
ليش ؟ كيف حكمت عليه ؟ الآن أشرح لكم ,!
- طبعاً نظام الطلب عندنا . يقدم أي شخص على أي طلب موجودة بالعقد بين موبايلي وبين الشركة المطلوب منها السلعة
توصل عندنا بعد مرورها بأكثر من شخص وتوصل عند التيم .. والتيم يوزعها ع الأشخاص .. وكل واحد توصل له بعض الطلبات
المهم انا هنا شغلتي .. أشيّك ع السعر وأتأكد انه مطابق ع العقد وأتأكد ان العناصر نفسها .. والسعر موجود ومطابق ثم أعتمد الطلب وأوقع عليه وأمشيه ..
ثم يطلع بتدرج إلين يوصل عند المالية ..
عندنا واحد بالتيم مزعج جداً !
تخيلوا .. أول ما يوصل له الأوردر يقول لي ان هالأوردر فيه خطأ .
وشو الخطأ ؟ لا لا فيه فيه خطأ .. شيك عليه وارجع لي .. :s !
أقول له ما فيه خطأ .!
يقول الخطأ انه ما رقمت الآيتمز عشان يسهل علي المراجعة .!
قلت ما عندنا قانون ينص على الشيء هذا .. شيك واشتغل وبلاش شغل عجز .!
لالا ما يمشي كذا ..! يا نفر ما يحتاج . إلا إلا يحتاج ارجع عدل عليه .!
انا وقتها قفلت معي مره .!
هو من الجنسية اللي ما تحب تشتغل
وقلت هيّن .. أوريـــك !
هو دوامه ينتهي 6 وانا مفروض اطلع 4
والشغلة هذه خلصتها 5
قلت بأرجع أشيّك عليها وأرتبها وأقفل الباب في وجه عشان ما يحصل خطأ أبد
وحطيتها على مكتبة 5:55 دقيقة
يعني مش ح يطلع
عقبها والله ما قال لي شيء أبد .. وصار مضبوط
المشكلة انه يقر بالخطأ قبل يشوف كل شيء ..
صحيح انه الخطأ وارد .. لكن تأكدت من اللي حولي كلهم ويقلوون ما فيه خطأ .. زيادة خربطة منه
هذا أحد المواقف .. - موقف آخر .. حلو الواحد يكون طيب وحبيب ومرح ويضحك .. لكن لا يكون طيب بدرجة السذاجة ويسوي كل شيء يطلب منه
لازم الواحد يعرف كل شيء عن أموره ,
من المواقف , خلصت أوردر لـ سيسكو بمبلغ وقدره .. المهم لما خلصته وجلسنا فيه اسبوعين .!
بعد ما طلعت الطلب ووقعت عليه وراح للمالية .. جاني الشخص المخول من الشركة يبي نسخة منه الطلب والتوقيع
قلت راجع المالية .. فجاني واحد ثاني قال لي ان الشخص هذا يبي صورة منه ودايم نرسلها له عادي
قلت انا مالي علاقة بالموضوع .. اوك انا أشتغلت عليها ومشيتها له .. لكن ما توصل اني أرسل له صورة من التوقيع عشان يتابعها
خله يروح للمالية إذا هو مستعجل عليها أو ينتظر لين يجيهم اتصال او بريد ..
هو كان يبيني أرسل له الصورة
والشيء هذا مالي علاقة فيه .. لأنه مو من عملي اني أرسل للسبلاير كل الطلبات اللي تطلع من عندي .
فـ رجع اللي جاني والظاهر ارسلها له هو
عاد بكيفهم .. اهم شيء انه مو أنا ههههه - موقف آخر ..الشركة موقعها ع طريق الملك فهد مع طريق العروبة والعليا
خلف مبنى المملكة مباشرة
5 مباني لموبايلي
وهناك مباني غيرها في موقع مختلف
دوامي في مبنى اسمه اليابس
بيني وبين برج المملكة مبنى واحد لونه بيج
المهم موقعنا سيء من ناحية المواقف :/
ونعاني منها كثيراً
تجي بدري تحصل موقف بأي مكان
تجي متأخر توقف بنص الشارع
المهم من فترة وانا أجي بدري أوقف سيارتي بمكان كويس وما أحد يقدر يوقف جنبها ولا يسد عليها عشان ما أتبهذل أو يجيها شيء لا قدر الله
الحاصل انه واحد من الزملاء قال لي ورا ما توقف بالمملكة
قلت ما اتوقع مسموح ؟ قال إلا عادي انا أوقف فيها من زمان
قلت حلو والله
جاري التجربة بكره
فـ جيت من بكره وجربت ودخلت والحمدلله ما صار شيء يخليه يمنعني
معي بطاقة موبايلي ولنا دورين بالبرج
هههههه يعني يحسبني منهم
فـ صرت أدخل الحمدلله وأوقف في مواقف المملكة
طبعاً في المملكة موقفين أو مدخلين للمواقف
إحداها للسوق وهذه مالي علاقة فيها
والثانية مواقف المكاتب وهذه اللي أوقف فيها.
لأن معاناة المواقف عندنا كبيرة جداً
- بعض الصور / ( ضع الماوس ع الصورة لتقرأ التعليق ع الصورة )
وبس ..
وقت اعتماد هذه التدوينة والجو والمطر في الرياض خيالي جداً 
تذكرت الجو اللندني 
الله يديم الخير
كونوا بخير 
21 تعليق »
مشاري | قلب الذهب »ما شاء الله ، تبارك الله ..
الله يوفقك في مسيرتك وينوّلك ما تتمناه ..
تعرفنا عليك أكثر مستر طالوب ^_^
أحسن شيء أعجبني أنك ترتب مكتب قبل تطلع ، وهذه الوضعية قليل جدا مشاهدتها عند الموظفين ..
اللهم اجعله صيباً نافعاً ..
يعطيك العافية ،، شغل مرتب ،،
بس لي ملاحظة على الزول اللي مايبي يشتغل ،،
نصيحة زبد له من الحين ولا بيغثك هههههههههههه
انت مشكلتك حبيب احياناً ،، تفلت عليه وهاوشه واذا وصلت للضرب اضرب < امحق نصيحة
اخبرك مشغول وش لون جاك وقت تسوي كل هالتدوينة ؟؟ 
موفق يالذيب ،، ( قلب ) ،،
ملاحظة : ليه ما عندك ايقونة قلب ؟ اضف وحدة الآن بسرعة
عبدالهادي - براعة فنان »ماشاء الله تبارك الله !
الله يعينك ويوفقك في حياتك العملية
/
بالنسبة لمواقفكم والله ياهي سيئة جدًا
كانت عندي شغلة بنفس المبنى ذا
والله ما قدرت ألقى موقف وطلعت وسحبت على أم الشغلة ههههههه
/
بالنسبة للحبابة وإنك تسوي شيء مب من شغلك
هذاني مآكله مع شركة الحمراني, أتدرب عندهم تدريب تبع الجامعة
ومآكلها هووااا, الله يخلص هالتدريب بخير وآخذ الدرجة كاملة بس ><"
/
موفق حبيبنا طالوب ^_^
شذا »السلام عليكم
الف مبروك العمل الجديد أخونا عبدالرحمن
المكتب ماشاء الله رااااااااايق
والله يتمم لك على خير 
ما شاء الله تبارك الله , الله يوفقك يا غالي وتستاهل كل خير
على طاري الدوام متي يبدا ومتى ينتهي ؟ حسب ما فهمت ينتهي 4 بس متى يبدا 8 ؟
نبي نعرف عشان ما ندق عليك وقت اشغالك <== وش عنده الي مقطع جوالك بالاتصالات 
الله ييسر امرك ويوفقك اينما كنت 
اللي هو »
ماشاء الله تبارك الرحمن..
مكتب حلو واطلالة حلوة (تخلي الواحد غصب يشتغل)
الله يوفقك بعملك ويبارك في وقتك ومالك وعطائك
اشتهيت أحط يوميات موظفة ..من قبل كم يوم التقطت صور لأرجاء مكتبي..
باذن الله قريباً انزلها…
الله ييسر امرك ويرزقك من حيث لاتحتسب امين
تدوينة جميلة… 
فارس »وعليكم السلام
وصباحك مطر
>>إلى اليوم والجو عليل 
وألف مبروك الوظيفة الأولى
وبيئة العمل الراقية
والله يوفقك بتحقيق طموحك العالي
وشكرا على التدوينه
نبوضة ~ »أهم شيء من الجنسية اللي ما تحب الشغل
و الله يا حالتكم حالة مع المواقف 
حنا الحمدلله سواق يجي ينزلنا ويروح ولا نشيل هم ولا يحزنون 
عندي سؤال الحين المكتب مرتب عشان التصوير >>هذا سؤال ذذ
الله يوفقك يارب وتصير مدير أكبر إدارة بالعالم ..
و الله يوفق الجميع يارب ويحقق أمنياتهم و أهدافهم ..
تدوينة رائعة
بائع الورد / أهلين حبيبي .. الله يعافيك ويسلمك : ) ,
بالنسبة لسؤالك .. هي مو دورة .. هي مجال إعلامي دخلته واكتسبت منه خبره .. فقط
يعني تطبيق واقعي .. مو دورة ..
مشاري / الله يعافيك حبيبي .. شكراً لك .. وهذا من طيبك : ) .
الترتيب والله هذه طريقتي دائماً أحب أطلع وكل شيء مرتّب
ريــــــــــان / تو ما نورت المدونة بأول رد لك ^^ هلا والله وغلا حبيبي .. هلا فيك ..
بالنسبة للشخص هذا فزبدنا له وانتهينا منه ههههههههه
وواحد مسكين جاني وقت ذروة التزبيد وطاح فيها المسكين ههههههههه
فـ بعض الناس الوسيعين وجه لابد تتعامل معهم بالطريقة هذه ..
بالنسبة للوقت .. فـ التدوينة هذه مكتوبة من فترة وكل ما حصل موقف أضفته عليها ..
ولما اجتمعت كل هالمواقف نزلتها ..
وأضفنا القلب لعيونك والله 
اقصوصه / الله يعافيك .. شكراً لك
عبدالهادي / تدري عاد حتى اللي نتعامل معهم بالعقود يقولون لا ترسلون طلب إلا وأنتم متأكدين منه .. منقرفين من مواقفنا .. يجون ثم يصير فيه خطأ وإلا شيء ثم يرجع .. ههههههههههههه
هو بالنسبة للحبابة .. كل شيء له حد .. وإذا زاد الشيء عن حده انقلب ضده
هذه مآخذها بالشركة .. ههههههههههههههههه أي شيء يصير بزيادة عن المعتاد وغير مقبول وغير واقعي و و .. تنقلب الدعوة إلى جد .. وخلاص كل واحد ياخذ شغله هههههههه ..
الله يعينك ع التدريب ويعديها على خير ..
شذا / الله يبارك فيك يارب .
شكراً لك .
أبو هيثم / هلا والله وغلا .. ياخي أنا أحبك
امممم بالنسبة لدوامنا يا حبيبي يبدأ من 8 إلى 5 وهذا الأصل اللي تمشي عليه الشركة
لكن / قسمنا ما شاء الله تبارك الله معطينا حرية الدوام من 7 – 9 بشط انه متى ما جيت بين هالوقت تكمل عليها 9 ساعات
فقط
وأنا غالباً أداوم من 7 أو 7:30
إلى 4 أو 4:430
لكن لا تشيل هم .. دق بأي وقت وانا تحت أمرك 
اللي هو / عربي لو سمحت 
حنان / جزاك الله خير على الدعوات .. بالنسبة للإطلالة فهي ممتازة لولا الشمس
الإطلالة مع الشمس متعبة جداً .. فلذلك أنا دايم أسكر الستارة ..
شكراً لك .
فن / شكراً لك .. بعد التغيير .. فعلاً يحمس .. بس أول كان مزعج والحمدلله انتهت المعاناه
جزاك الله خير
فاااارس / هلا والله وغلا .. هآآآآآآآآآآآه < رمز بيني وبين فارس
الله يسلمك ويعافيك يارب يا حبيبي ..
وشكراً لك ع دعواتك
نبوضة / السودانية طبعاً .. أما المواقف فـ فعلاً مزعجة
والله ان الموظفات مرتاحات جداً .. لا هم في السواقة ولا غثا الزحمة ورفعة الضغط .. ولا شيلة هم موقف السيارة و و و الخ ..
المكتب مرتب يومياً .. مو عشان التصوير ..
شكراً لك.
سَمَائيْ ! »سَمَائيْ ! / فعلا وقت المغرب الجو حلو والمكان هادي .. لأنه الكل تقريبا يمشي .. ووقتها يكون انتاجية العمل اكثر فعالية ..
شكراُ لك
وفقّكَ الباري ,
وأغناكَ بحلاله عن حرامه , وجعل لكَ من كل ضيق مخرجا ,
ويسر لكَ أموركَ في عملكِ وغيره ..
أعانكَ الله بتصدّي هذه المواقف بكل حكمه ,
أدعكَ بحفظ الله ورعايته .
لنْدنيّـه $ »الله يكفيكُم شر هالوظيفه =)
مكان المكتب حلو $
تذكرت الجو اللندني
ماشاء الله $
ياحظّكُم بزيارتها
يااارب اكتب لنا روحه لها $$$+
باكُـورة »
Dreams »مرحباً ..
ماشاء الله موفق في عملك , وامنياتي بتحقيق طموحاتك وامنياتك
مناسبة لك تماماً .,,
استفسار ..
بالنسبة لرخصة قيادة الحاسب الآلي كنت باخذها هذا الصيف لكن مالقيت مركز يقدمها
انا كنت بفكر أدخل الاختبار على طول بدون مااخذ الكورس ,
و بما انك جربت الكورس .. ياريت تفيدني :
- كيف مستوى الأسئلة .. هل تحتوي مصطلحات صعبه ؟ لأني باخذ الرخصة بالانجليزي ..
- كم الوقت وعدد الاسئلة تقريباً … يكفي ؟
- يعتمد على دراسة او ممكن استعين بمعلومات عامة ؟
- advise me …
best wishes ..
همتها عالية / جزاكم الله خير .. شكراً لكم ,
لندنية / آمين يارب .. جزاكم الله خير ..
قلم داعية / شكراً لك حبيبي .. جزاك الله خير .
باكورة / أهلين وسهلين بأختي .. هلا والله هاه خلاص شفتيه 
؟ هههههههههه
أذكر قلت لك اني من زمان منزله , وأذكر مرسله لك انتي وياسر بعد إذا ماني ناسي .. بس الظاهر كنتي منشغلة بالدراسة .. 
Dreams / رخصة القيادة كانت عن طريق الجامعة لما كنت طالب .. كان قسم الحاسب منظمها ومرتبها .. وشهادة معتمده .. لكن أعتقد أنها تختلف عن بقية الشهادات لأن إختبارها كان مختلف نوعاً ما عن البقيّة وهذا ما اعتقدته ..
مستوى الأسئلة تختلف من شخص لآخر وعلى حسب تفهمه للحاسب ومحتوياته من الأشياء الرئيسية .. وكذلك ما يحتويه الأوفيس ” وورد – بور بوينت – اكسل – اكسس ” أحياناً يضيفون الآوت لوك
لكنها بشكل عام للذي يعرف هذه الأمور بشكل ممتاز لن يصعب عليه شيء بإذن الله
بالنسبة لي ولله الحمد أخذتها بامتياز ( 100/100 ) ما شاء الله .. ولكن قد تختلف من شخص لآخر فوجهة نظري توجهي لأحد المعاهد وجربي الإختبار .. ثم للمره الآخرى ستكونين على علم بكل ما يطرح فيها ..
الوقت المخصص للإختبار ما عندي علم عنه هل هو ثابت ع الكل أو مختلف
احنا خلصنا في ساعة .
يعتمد ع الممارسة وأحياناً يلزم أن تدرسي بعض المعلومات لأننا لا نمارسها إلا نادراً .
خلاصة "RSS" للتعليقات على هذه التدوينة. رابط التعقيبات "TrackBack"
أعانك الله ويسر أمرك ،
مكتبك راقي وجميل ومريح للعمل ..
بدي أسألك عن دورة التقديم والإعداد الإعلامي
عند من أخذتها ؟
وكم كلفتك ؟