السلام عليكم ورحمة الله وبركاته
أهلاً وسهلاً بالجميع .. تدوينة جديدة وتغطية جديدة لسفرة سريعة رائعة وترويح للبال ..
التغطية هذه راح أذكر التفاصيل الدقيقة فيها حتى يستفيد منها الكل .. ولو فيه تفاصيل معيّنة ما ذكرتها اسألوا عنها وراح أجاوبكم
طبعاً أبيكم تطولون بالكم لما تفتحون الموضوع .. لأنها 171 صورة ولا تشرهون على بعض الصور إذا كانت غير واضحة .. في بعض المناطق أصور فيها وتتعبني قطرات الأمطار والضباب بالتقاط الصور الصافية ..
بسم الله
حددنا التاريخ وكان من 3/5 إلى 11/5
قررنا نحلّق مع طيران : لوفتانزا
انطباعي عن الرحلة والطيران : الشركة كانت جداً ممتازة .. الكراسي مريحة .. مدعمّة بالشاشات .. الأكل ممتاز .. الخدمة رائعة 
كان مسار الرحلة ( الرياض – ميونخ – لندن ) والعودة كانت بالعكس ..
في ميونخ ما جلسنا أكثر من ساعة ونصف في المطار .. في الذهاب كان السوق مسكّر بحكم وصولنا على الساعة 6 الصباح وفي العودة وصلنا 10 ونص الصباح وكان كل شيء مفتوح واستفدنا من السوق بحكم انه مفتوح
اممم طبعاً كان الحجز والدفع واختيار المقاعد عن طريق النت .. واستفدت منها كثير في العودة .. لأنه كان فيه مسار خاص للي طلعوا التذاكر والمقاعد من النت ..
وصرت أول واحد من بين 30 شخص
.. لأني كنت واقف بالمسار العادي .. ولما جاء الموظف وطلب من اللي مطلع التذكرة والمقاعد من النت يتوجه للمسار الخاص بالأون لاين .. طلعت لحالي للمسار الثاني .. والحمدلله ما طولت أبد ..
بالنسبة للسعر فهو متفاوت بناء على المواسم فلذلك مو ثابت .. أنت وترتيبك للرحلة .. للطيران والسكن كذلك ..
نكمل التقرير ..
Ask Me



أنا أحيانا أحط ملفات جديدة وتحصلونها بالقائمة اللي ع اليمين بجديد الملفات








